Bakı İctimai Əməkdaşlıq Mərkəzi

24 saylı Nizami birinci seçki dairəsindən müstəqil və bitərəf namizəd Eyyub Kərimli, seçicilərlə görüşlərini intensiv şəkildə davam etdirir. Eyyub Kərimli, E. Süleymanov, Nəsimi, M. Şərifli və Q. Qarayev küçələrində bir neçə ünvana baş çəkərək seçicilərin iqtisadi və sosial məsələlərə dair suallarını cavablandırıb və gələcək fəaliyyət planını təqdim edib. brtm.az QHT.az-a istinadən xəbər verir ki, namizəd, ucuz kreditlər, əlçatan ipoteka, pensiya islahatları, süni qiymət artımı, məşğulluq səviyyəsinin artırılması və sosial xərclərin optimallaşdırılması istiqamətində təşəbbüs və təkliflərini izah edib. O, iqtisadi inkişafın yüksək rifahı təmin etməli olduğunu vurğulayıb. Eyyub Kərimli, həmçinin vətən müharibəsi veteranları və qazilərlə səmimi görüş keçirərək, onlara dəstəyini ifadə edib. Görüş zamanı şəhidlərimizə Allahdan rəhmət, qazilərimizə isə can sağlığı arzulayıb. Növbəti görüşlər Nizami rayonunun Əli Vəliyev, Qara Qarayev prospekti və Ə. Balakişiyev küçələrində baş tutub. Eyyub Kərimli, sakinlərin problemlərini dinləyib və öz proqramını onlarla bölüşərək, seçicilərini vicdanla və ləyaqətlə təmsil etməyə hazır olduğunu bəyan edib.

“Sağlam Mühit Gənclərin İnkişafına Kömək” İctimai Birliyinin sədri, Şirvan Regional QHT Resurs və Təlim Mərkəzinin rəhbəri, Şirvan şəhər İcra hakimiyyəti yanında ictimai Şuranın üzvü Əl Mirəzyevə ağır itki üz verib. Əl Mirəzyevin anası bu səhər vəfat edib. Dəfn və mərasim Sabirabad rayonu Rüstəmli kəndində olacaq. Allah rəhmət eləsin

Azərbaycan Dövlət Neft və Sənaye Universiteti “Azərbaycan Dövlət Neft və Sənaye Universiteti PHŞ-nə BP Eksploreyşn (Kaspian Si) Limited Şirkətinin Azərbaycan Respublikasındakı Nümayəndəliyi tərəfindən ayrılmış qrant hesabına avadanlığın satınalınması” tenderinin nəticələrini elan edib. QHT.AZ FED.az-a istinadən xəbər verir ki, tenderin qalibi “Simplex” QSC olub. Qalib şirkətlə 995 700 manat məbləğində müqavilə imzalanıb. Bağlanmış müqaviləyə əsasən ADNSU 10 ədəd tədris stendi alacaq. Bu stendlərə günəş modulunun ölçülməsi, fotoelektrik, süni işıq mənbəyi, külək elektrik stansiyalarının əsasları, külək elektrik stansiyasında enerjinin çevrilməsi və s. aiddir.

Avqustun 20-də Azərbaycan Respublikasının Qeyri – Hökumət Təşkilatlarına Dövlət Dəstəyi Agentliyinin maliyyə dəstəyi ilə “Şəfa” Psixoloji-Sosial Yardım İctimai Birliyi “Şəhid və veteran ailələrinə psixoloji və sosial xidmət” layihəsinin Ağdam rayonu Quzanlı qəsəbəsində layihənin yekunlarına dair bağlanış seminarı keçirildi. BRTM.az xəbər verir ki, seminarda Müharibə veteranları və müharibədən əziyyət çəkən ağdamlılar iştirak edirdi. Layihə rəhbəri Xəlil Süleymanov bildirdi ki, layihənin əsas məqsədi müharibənin törətdiyi fəsadlar nəticəsində psixoloji travma almış şəhid və veteran ailələrinə psixoloji-sosial dəstək verməkdən ibarət olub. Lahihə Füzuli, Xocavənd, Laçın obaları, Bərdə və Ağdam rayonlarını əhatə edib. Müharibə dəhşətlərini yaşayan, ailə üzvlərini, yaxınlarını, doğmalarını itirən, fiziki-mənəvi və psixoloji xəsarət alan insanlar hələ də psixoloji sarsıntının təsirini yaşayırlar. Lakin regionlarda psixoloji yardım hər bir şəhid ailəsi və müharibə əlili üçün əlçatan deyildir. Psixoloji gərginlik onların sağlamlıq vəziyyətinə ciddi təsir gösərməklə bərabər sosial durumuna da öz mənfi təsirini göstərir. Layihə 3 ay müddətində hədəf rayonlarında psixoloji-sosial dəstəyə ehtiyacı olan 40 Şəhid və veteran ailə üzvlərinə psixoloji xidmət nəzərdə tutub. Lakin müraciətlərin çoxluğunu nəzərə alaraq 48 Şəhid və veteran ailə üzvlərinə psixoloji xidmət göstərilib.

Azərbaycan Respublikasının Qeyri Hökumət Təşkilatlarına Dövlət Dəstəyi Agentliyinin maliyyə dəstəyi ilə “Eşitmə və Nitq Məhdudiyyətli Şəxslərə Sosial Yardım “İctimai Birliyi 01 iyun 2024 cü il tarixindən “Səssiz Dünyaya Körpü” adlı layihə icra planına uyğun olaraq 3 ay davam etdi. Layihədə valideyinlər üçün İşarət dili təlimləri təçkil edilmişdi. Təlimlər həftədə iki dəfə olmaqla CIBS Təlim və Psixologiya mərkəzində həyata keçirilirdi. BRTM.az QHT.az-a istinadən  xəbər verir ki, layihə rəhbəri Cəmilə Çingizqızı “3 ay davam edən layihəmizin sonuna gəldik. Beləliklə eşidən valideyinin, “səssiz dünya”da olan övladı ilə bir  birlərini başa düşmələri üçün “Səssiz Dünyalarına Körpü” saldıq. İlk olaraq Milli donorumuz olan və hər zaman bizə dəstək göstərən Qeyri Hökumət Təşkilatlarına Dövlət Dəstəyi Agentliyinə öz adımdan və eşitmə məhdudiyyətli övladları olan valideyinlər adından, “Səssiz Dünyaya Körpü” adlı layihəmizə dəstək göstərdikləri üçün təşəkkür edirik. Layihəmizin icrası üçün məkan ayıran dəstəkçimiz isə CIBS Təlim və Psixologiya mərkəzidir. Bu mərkəz 16 təlim boyunca bizə təmənnasız xidmət göstərərək, layihəmizin valideyinlər üçün dahada əlçatan məkanda olmasını təmin etdi. Diqqət və qayğısına görə CİBS Təlim və Psixologiya Mərkəzinin rəhbəri Gülnarə xanım Tağıyevaya təşəkkür edirik. Təlimlərə qatılan valideyinlər davamlı olaraq çox böyük həvəslə təlimlərdə iştirak etdi. Təlimlərimizin maraqlı keçməsi üçün eşitmə məhdudiyyətli uşaqlar öz valideyinləri ilə bəzi təlimlərə qatılır, dialoqlar qururdular. Valideyinlərin bir araya gələrək övladlarının dilini öyrənilməsi, valideyinlər tərəfindən yüksək dəyərləndirildi. Təlimlərin ilk günü bu dili mənimsəməkdə çətinlik çəkdiklərini, təlim zamanı auditoriyada olan anaların qarşısında dərsi danışmaqdan çəkinən valideyinlər, sonda bu təlimin heç bitməməsini arzu etdilər. Hətda kamera qarşısında hər biri intervyu verib layihə haqqında öz fikirlərini bölüşdülər. Bu təlim onların həm də sosiallaşmasına böyük təsir etdiyini düşünürəm. Layihə rəhbəri və bir ana olaraq , valideyinlərin rəylərinə əsaslanaraq bu layihəni uğurlu hesab edirəm. Eşitmə məhdudiyyətli övladı olan valideyinlərin bir araya gələrək bir-birlərinə informasiya ötürməkləri, motivasiya verməkləri, uğur və problemlərini bölüşmələrinə çox ehtiyacları var və bu çox vacibdir. Valideyinlərin İşarət dilini öyrənmələrini görən uşaqların isə sevincini yalnız gözlə görmək lazım idi. Təlimlərimiz çox maraqlı və interaktiv keçirdi. Davamlılığı təmin etmək üçün layihəmizin İşarət dili təlimçisi Elmira xanım Əsgərova və Psixoloqumuz Ləman xanım Rəfiyeva valideyinlərin sualları, onları narahat edən problemləri hər zaman cavablandırmağa hazır olduqlarını bildirdilər.” Layihə sonunda təlimləri uğurla başa vuran valideyinlərə İctimai Birliyimiz adından  “Səssiz Dünyaya Körpü” adlı kitab hədiyyə edildi və sertifikat təltif olundu. Tədbir sonu simvolik olaraq təlim iştirakçıları və uşaqlar üçün layihənin adı ilə bağlı tort kəsilərək, çay süfrəsi təşkil olundu.