Bakı İctimai Əməkdaşlıq Mərkəzi

Böyük Qayıdış proqramı Azərbaycanın işğaldan azad edilmiş ərazilərinə məcburi köçkünlərin geri qayıtmasını təmin edən mühüm bir dövlət layihəsidir. Bu proqram çərçivəsində həyata keçirilən tədbirlər Qarabağ və Şərqi Zəngəzur bölgələrində sosial və iqtisadi həyatı yenidən bərpa etmək məqsədi daşıyır. Prosesin uğurlu və dayanıqlı olması üçün məskunlaşma və məşğulluq kimi əsas məsələlər tədricən həll edilir. Bəs Qarabağda və Şərqi Zəngəzurda bərpa və məskunlaşma layihələrində işəgötürənlərin və ictimaiyyətin rolu haqqında nə deyə bilərsiniz? İşəgötürənlərin aktiv formada cəlb edilməsi üçün hansı stimullaşdırıcı dəstək mexanizmləri mövcuddur? Böyük Qayıdış proqramı çərçivəsində Qarabağda və Şərqi Zəngəzurda hansı aktiv məşğulluq tədbirləri həyata keçirilir və bu proses necə təşkil olunur? QHT.az bu sualları “Bakı Qeyri- Hökumət Təşkilatlarının Resurs və Təlim Mərkəzi” İctimai Birliyinin sədri Rauf Zeyniyə ünvanlayıb. O, bildirib ki, Böyük Qayıdış proqramı çərçivəsində işğaldan azad olunmuş ərazilərə məcburi köçkünlərin geri qayıtması dövlət səviyyəsində həyata keçirilir. Hazırda bu prosesin birinci mərhələsi davam edir və ictimaiyyətin geniş formada cəlb olunması hələ ki, mümkün deyil. Əhali tam yerləşəndən sonra QHT-lərin müxtəlif xidmətlər göstərməsi və ictimai tədbirlər təşkil etməsi mümkün olacaq. Əsas məqsəd əvvəlcə əhalinin təhlükəsiz və sabit formada məskunlaşmasıdır: “Hal- hazırda dövlət səviyyəsində məcburi köçkünlərin işləri üzrə dövlət komitəsi səviyyəsində böyük qayıdış həyata keçirilir və bu tabii ki müəyyən mənada geniş ictimaiyyətin cəlb olunası mümkün olmadan həyata keçirilir. Çünkü bu, böyük qayıdışın birinci mərhələsidir. Əhali oraya yerləşəndən sonra o zaman artıq orada hər hansı bir ictimai tədbirlərin həyata keçirilməsi, QHT-lər tərəfindən əhaliyə müayyən xidmətlərinin göstərilməsi və digər ictimai tədbirlərin hayata keçirilməsi mümkün ola bilir”.

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “orden” və “medal” paylayan bəzi QHT-lərə xəbərdarlığına reaksiya olaraq, Qərb-Resurs Vətəndaş Cəmiyyətinin İnkişafına Dəstək İctimai Birliyinin sədri Ramil Göyüşov QHT.az-a öz fikirlərini bildirib. “Maraqlıdı başa düşmək olmur ordeni diplomu götürən insanlar nə əldə edirlər, mənə neçə illər öncə bİH başçısı diplom vermək istədiyini dedi, qətiyyən razı olmadım. Diplom-sertifikat ancaq hansı mövzu üzrə təlim-tədrisdən sonra verilməlidir. Sadəcə təəsüf doğrur sovetlər dönəmindən qalan ənənələrlə vətəndaşlar ad, medal, diplom və s. təltifləri gözləyirlər”.

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “orden” və “medal” paylayan bəzi QHT-lərə xəbərdarlığına reaksiya olaraq, Ümid Sosial İnkişafa Dəstək İctimai Birliyinin sədri İsrayıl İsgəndərov QHT.az-a öz fikirlərini bildirib. “Bəzi QHT-lər QHT missiyasını yaddan çıxarıb müxtəlif kompaniyalar vasitəsilə imic formalaşdırılar, bu yol verilməzdir. Bəyanət çox yerində verilib. QHT-lər cəmiyyətin sosial-iqtisadi və ictimai-siyasi inkişafının barometri sayılır. QHT-lər vətəndaş cəmiyyəti təşəbbüslərinin reallaşmasını özündə ehtiva edən bir institutdur. QHT cəmiyyətin maraqlarını qorumaqda, rifahını yaxşılaşdırmaqda aparıcı rola malik olmalıdırlar. Rifahın yaxşılaşdırılması, problem və istəklərin müəyyənləşdirilməsi, onların aktuallaşdırılması və həlli istiqamətində cəhdlər QHT-in əsas məqsədləridir”.

Son zamanlar bir sıra QHT-lərin özlərindən orden və medallar təsis etməsi və müxtəlif şəxsləri, xüsusilə şəhid ailələrinin üzvlərini, o cümlədən vəzifəli şəxsləri, dövlət məmurlarını bu orden və medallarda təltif etməsi müşahidə edilir brtm.az xəbər verir ki, QHT-lərə Dövlət Dəstəyi Agentliyinin yaydığı bəyanatda bildirilib ki, “Azərbaycan Respublikasının orden və medallarının təsis edilməsi haqqında” qanunun 3-cü maddəsinə əsasən, orden və medal – vətəndaşlara xüsusi xidmətlərə görə dövlət tərəfindən verilən dövlət təltifidir. Qeyd olunub ki, bu qanundan başqa digər normativ hüquqi aktlarda orden və medallar (o cümlədən “orden” və ya “medal” ifadəsindən hər hansı mənada istifadə edilməklə) təltif növü kimi təsis oluna bilməz: “İctimaiyyəti diqqətli olmağa çağırır, bu cür əməllərlə məşğul olan QHT-ləri qanunla qadağan olunan fəaliyyətdən çəkinməyə, məsələnin hüquqi məsuliyyətini dərk etməyə dəvət edirik”.

“İnkişaf-2006” Sosial Dəstək İctimai Birliyi 2024-cü il kiçik qrantlar müsabiqəsinin qalibi olaraq Mingəçevir şəhərində “İİV-lə mübarizə” adlı layihəsinin həyata keçirilməsinə başlayıb. QHT.az xəbər verir ki, 01 avqust 2024-cü ildən həyata keçirilməyə başlayan layihənin 3 ay ərzində Mingəçevir şəhər təhsil müəssisələrində gənclər arasında maarifləndirmə və profilaktiki tədbirlər aparmaqla getdikcə artmaqda olan İİV-ə yoluxma hallarının azaldılmasına nail olmaqdan ibarətdir. Bu layihə çərçivəsində İİV/QİÇS-lə bağlı maarifləndirmə fəaliyyəti vasitəsilə problemlə bağlı ictimai məlumatlılığın artırılması nəzərdə tutulur. Qeyd etmək lazımdır ki, “İnkişaf-2006” Sosial Dəstək İctimai Birliyi uzun illərdir İİV/QİÇS-lə bağlı layihələr həyata keçirir və bu sahədə böyük təcrübəsi və peşəkar komandası vardır. Hazırda təşkilat ölkənin 15 rayonunda əsas əhali qrupları arasında İİV/QİÇS-lə bağlı profilaktiki tədbirlər həyata keçirir.