Bakı QHT Resurs və Təlim Mərkəzi

Bugun Bakı QHT Resurs və Təlim Mərkəzində Azərbaycan Milli QHT Forumunun (MQF) Ekologiya və Fövqaladə Hallar Mərkəzinin təqdimatı keçirilib. Tədbiri açan MQF-nin vitse-prezidenti, tarix üzrə fəlsəfə doktoru Nüşabə Məmmədova Forumun strukturu, o cümlədən Forumda fəaliyyət göstərən mərkəzlər barədə məlumat verib. MQF Ekologiya və Fövqaladə Hallar Mərkəzinin direktoru Telman Zeynalov müasir dövrdə Ekologiya sahəsində problemlər barədə məlumat verib. Mərkəz üzvləri Fikrət Cəfərov, İradə Həsənova, Şamil İsmayılov, Esmira Rəhimova və digər şəxslər çıxış edərək bir sıra təkliflər irəli sürdülər.

Vətəndaş Təşəbbüsləri və İctimai Maarifləndirmə ictimai birliyi Aəzrbaycan Respublikası Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə dəstəyilə “Multikulturalizmin təbliğinə dəstək” layihəsinin icrasını davam etdirir. 16 iyun 2017 ci il tarixində, Azərbaycan Milli QHT Forumunin konfrans zalında layihə çərçivəsində yaradılan veb səhifənin təqdimatı keçirilmişdir. Təqdimatda mətbuat və QHT nümayəndələri iştirak etmişdir. Tədbiri giriş sözü ilə açan layihə rəhbəri Elşən Nağıyev son illərdə Azərbaycan hökumətinin multikulturalizmlə bağlı həyata keçirilən tədbirlərindən, həmçinin Azərbaycanda multikultural dünyagörüşünün inkişafından bəhs etdi. O, həmçinin veb səhifənin ölkəmizdə multikultural dəyərlərin inkişafına dəstək olacağını xüsusi olaraq vurğuladı, veb səhifədə Azərbaycanda yaşayan etnik xalqlar və dinlər haqqında ətraflı materiallar dərc ediləcəyi haqqında məlumat verdi Bundan sonra veb səhifə tədbir iştirakçılarına təqdim edildi və daha sonra layihənin eksperti Taleh Əliyev, multikulturalizmin əhəmiyyətindən danışdı. Layihənin ölkəmizdə multikultural dəyərlərin inkişafına dəstək olacağını, həmçinin veb shifənin Azərbaycan cəmiyyəti üçün əhəmiyyətindən danışdı. Daha sonra tədbir iştirakçıları müzakirələrə qoşularaq, maraqlı təkliflərlə çıxış etdilər və veb səhifənn Azərbaycan cəmiyyəti üçün vacib olduğunu bildirdilər və veb səhifənin ingilis və rus dillərində də, fəaliyyət göstərməsinin və sosial şəbəkələrdə də səhifə yaradılmaısının  mühüm olduğunu vurğuladılar. Layihə rəhbəri təkliflərin gələcək fəaliyyətlərində nəzərə alınacağını bildirdi.

Azərbaycan Fotoqrafları Birliyinin Azərbaycan Milli Qeyri-Hökumət Təşkilatları Formunun mənzil qərargahında təşkil etdiyi ənənəvi “AçıqQapı” günü toplantısı 3 Iyul 2016-cı iltarixində 12:00-da açıq elan edildi. Toplantını AFB idarəheyətinin sədri Mirnaib Həsənoğlu açdı. İlk olaraq AFB-nin idarəheyətinin üzvü Rauf Umudovun 2 İyul 2016-cı iltarixində 60 illik yubileyi münasibəti ilə başda AFB-nin sədri Mirnaib Həsənoğlu və ümumilikdə idarə heyəti üzvləri olmaqla bütün kollektiv və gəlmiş qonaqlar təbrik etdi. Daha sonra toplantıda bir çoxməsələlərə toxunuldu. Beləki, 2-5 iyun  2016-cı il tarixləri arasında Türkiyənin Malatya şəhərində baş tutmuş “Beynəlxalq 2-ci Malatya Fotokampı”  Malatyanın Akçadağ İlçesində yerləşən  Ləvənt Vadisində baş tutmuşdu. Bu Beynəlxalq fotokampda iştirak etmiş Mirnaib Həsənoğlu fotokamp haqqında təəssüratlarını bölüşdü və kamp müddətində iştirakçıların fotolarından ibarət hazırlanmış qısa video-roliklər nümayiş etdirildi. AFB-nin yeni yaradılmış www.photographer.az  saytının və yeni üzvlük kartının dizaynı Həsən İsmayılov tərəfindən təqdim olundu. Həmçinin yeni “QızılıNisbət” adlı fotomüsabiqənin kordinatorluğunu öz üzərinə götürmüş Həsənİ smayılov müsabiqə haqqında da ətraflı məlumat verdi. Müasbiqə Archifoth tərəfindən keçirilir. 6-12 iyun 2016 –cı il tarixlərində Başqurdstan Respublikasında XXVI Beynəlxalq “Başqurdstan. Təbiət. İnsan. Mədəniyyət-2016” aksiyası keçirilmişdi. Bu fotoplenarın iştirakçısı olmuş Rauf Umudov plenar haqqında öz təəssüratlarını bölüşdü və orada çəkdiyi fotoşəkillərdən ibarət slayd-şounu təqdim etdi. Bundan başqa, bildiyimiz kimi, bu il Azərbaycanda “Multikulturalizm” ili kimi qeyd olunur. Bu səbəbdən yeni foto layihələrdən biridə “Azərbaycanda Multikulturalizm” foto müsabiqəsidir.Foto müsabiqə haqqında isə Ayxan Əhmədov ətraflı məlumat verdi. Daha sonra isə “Davamlı Turizminİn İnkişafına Dəstək” İctimai Birliyinin Azərbaycan Respublikası Prezidenti yanında Qeyri Hökümət Təşkilatlarına Dövlət Dəstəyi Şurasının maliyyə dəstəyi ilə icrasına başladığı “Azərbaycan” foto müsabiqəsi haqqında ölkəyə gələn turistlər üçün məlumat kataloqunun hazırlanması layihəsi haqqında da məlumat verərək Mirnaib Həsənoğlu digər yeni bir layihə olan ASAN Könüllüləri III Yay Məktəbi – Həmrəylik Düşərgəsi adı altında Lahıcda həyata keçiriləcək foto tədbir haqqında məlumat verdi. Bu ay üçün elan olunmuş mövzu “Sirli Siluet” adlı müsabiqə idi. Müsabiqənin mövzu müəllifi Günel Məmmədova, koordinatoru isə Süleyman Süleymanlıidi. Müsabiqənin kuratoru Fərqanə Qasımlı və koordinatoru Süleyman Süleymanlı musabiqə haqqında məlumat verdilər. Qeyd edək ki, ümumilik də müsabiqəyə 23 nəfər həvəskar və peşəkar fotoqraf 69 foto ilə qatılmışdır. Onlardan 7 nəfərin 28 fotosumüsabiqə şərtlərinə zidd olduğu üçün qəbul edilməmişdir. Şərtlərə görə fotolar son 1 il ərzində çəkilməliidi. Bu səbəbdən də müsabiqəyə cəmi 16 fotoqrafdan 41 foto qəbul edildi. Fotolar səs vermə yolu ilə seçildi. Beləki, səs çoxluğu ilə “Sirli Siluet” aylıq foto müsabiqəsinin qalibləri Toğrul Həsənbəyli, Həsən ismayılov və Fidan Cəfərova oldu.Ümumi iştirakçılar tərəfindən müzakirə edilərək seçilən fotoların müəllifləri diplom və hədiyyələrlə təltif olundular. Müsabiqənin kordinatorluğuna görə Süleyman Süleymanlıya sertifikat təqdim olundu. Sonda ənənəvi xatirə fotosu çəkildi. Bununla da, iyun ayı üçün nəzərdə tutulmuş “Açıq qapı” günü toplantısına yekun vuruldu.

Bakı QHT Resurs və Təlim Mərkəzində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə XXI Əsr Təhsil Mərkəzi İctimai Birliyinin sədri Etibar Əliyevin müəllifi olduğu “Tam orta təhsil pilləsində dərs deyən müəllimlərin peşəkar kompetensiyalarının artırılmasına dəstək” layihəsi çərçivəsində hazırladığı “Müəllimlərin peşəkar kompetensiyalarının artırılmasına dəstək, mövcud təcrübələr, tövsiyələr”  adlı kitabının təqdimat mərasimi keçirilib. XXI Əsr Təhsil Mərkəzi İctimai Birliyinin sədri, kitabın müəllifi  Etibar Əliyev tədbiri giriş sözü ilə açaraq tədbir iştirakçılarını salamlayıb və daha sonra tədbir iştirakçılarına kitab haqqında geniş məlumat verib. O bildirib ki, Azərbaycan Respublikası Prezidentinin 2013-cü il 24 oktyabr tarixli Sərəncamı ilə təsdiq edilmiş Azərbaycan Respublikasında təhsilin inkişafı üzrə Dövlət Strategiyasının 2-ci strateji istiqaməti təhsil sahəsində insan resurslarının müasirləşdirilməsini nəzərdə tutur. Bu istiqamət innovativ təlim metodlarını tətbiq edən, təhsilin məzmununun səmərəli mənimsənilməsini təmin edən səriştəli təhsilverənin formalaşdırılmasına xidmət edir və özündə təhsilverənlərin peşəkarlığının yüksəldilməsi, təhsilalanların nailiyyətlərinin qiymətləndirilməsi üzrə yeni sistemlərin qurulmasını, təhsilalanların istedadının aşkar olunması və inkişafı ilə bağlı, habelə xüsusi qayğıya ehtiyacı olanlar üçün inklüziv təlim metodologiyasının yaradılmasını ehtiva edir. “Tam orta təhsil pilləsində dərs deyən müəllimlərin peşəkar kompetensiyalarının artırılmasına dəstək” layihəsi çərçivəsində hazırlanmış kitab məhz strategiyada nəzərdə tutulan səriştəli təhsilverənin formalaşdırılmasına xidmət edir.Kitab giriş də daxil olmaqla 17 paraqrafdan ibarətdir. Kitabda müəllimlərin peşəkar kompetensiyalarının artırılmasına dəstək məqsədilə dünya təcrübəsindən nümunələr verilmiş, bu istiqamətdə maraqlı ədəbiyyatlardan tərcümələr seçilmişdir.Kitabda həmçinin İnformasiya Kommunikasiya Texnologiyalarının və yeni təlim metodlarının peşəkar kompetensiyaların inkişafındakı rolu geniş işıqlandırılmışdır. Kitab orta məktəb müəllimləri, müəllim hazırlığı həyata keçirən ali məktəb müəllimləri, təhsil problemləri ilə məşğul olan mütəxəssislər üçün nəzərdə tutulub. Tədbirdə çıxış edən Milli QHT Forumunun (MQF) prezidenti Rauf Zeyni, Milli QHT Forumunun (MQF) İdarə Heyətinin sədr müavini, Vətəndaşların Sosial Rifahı Naminə İctimai Birliyinin sədri İradə Rizazadə, MQF Elm Mərkəzin rəhbəri Nüşabə Məmmədova, Milli Məclisin deputatı Fazil Mustafa, Təhsil Naziriliyi İnformasiya şöbəsinin müdir müavini Cəsarət Valehov, Bakı Sənayə-Pedaqoji Kollecinin pedaqoqu Rəsul Əliyev, Təhsil Şurasının sədri Əjdər Ağayev və digərləri öz çıxışlarında  bu kimi elmi nəşrlərin vacib olduğunu vurğulayıblar. Sonda bir daha belə bir kitabın ərsəyə gəlməsinə görə müəllifə öz minnətdarlıqlarını bildiriblər.

Azərbaycan Milli QHT Forumu (MQF) İdarə Heyətinin 3 fevral 2021-ci il tarixində  onlayn toplantısı keçirildi. Toplantıda gündəlikdə duran məsələlər yeni QHT-lərin üzvlüyə qəbulu, MQF-nin səlahiyyət müddətinin uzadılması və cari məsələlərdir.  MQF-ə üzv olmaq üçün namizədlərin sənədləri təqdim olundu və müzakirə edildi. MQF-ə 4 təşkilatın – “Azərbaycanlı Qadınlar Assosasiyası”, “Böyük Qayıdış”da Qadın Sahibkarlığına Dəstək”, “Azərbaycan-Türkiyə Qida Təhlükəsizliyi” və “Sağlam Qida” Könüllüləri İctimai Birliklərinin üzvlüyü qəbul edilməklə MQF üzvlərinin sayı 743 oldu. MQF-nin səlahiyyət müddətinin bitməsi və karantin dövrünə təsadüf etməsi, bununla bağlı Qurultayın təxirə salınması məsələsi müzakirə edildi. MQF İdarə Heyətinin qərarı ilə MQF seçkili orqanlarnın səlahiyyət müddəti 1il müddətində uzadıldı. Bununla yanaşı, toplantıda bir sıra məsələlərin müzakirə edilməsi üçün təkliflər verildi. Cari məsələlərin müzakirəsinin nəticəsi olaraq qərara alındı ki, fevral ayının 10-u “Ölkədə ictimai-siyasi vəziyyət və ictimai nəzarətin təmin olunması” mövzusunda onlayn ictimai müzakirə keçirilsin. Azərbaycan Milli QHT Forumunun təşkilatçılığı ilə 10 fevral 2021-ci il tarixində qeyd olunan onlayn ictimai müzakirə keçirildi. MQF-nin prezidenti Rauf Zeyni iştirak edən hər kəsi salamlayaraq açılışı etdi. Tədbirə başlamazdan öncə şəhidlərimiz bir dəqiqəlik sükutla yad edildi. Daha sonra Ölkə Prezidenti cənab İlham Əliyevin ictimai nəzarətlə bağlı müraciətindən qısa fraqmentlər göstərildi. Rauf Zeyni qeyd etdi ki, Prezidentin müraciətində olduğu kimi, ölkədə ictimai nəzarətin və şəffaflığın artırılması, məmur özbaşınalığına son qoyulması, korrupsiyanın aradan qaldırılmasında vətəndaş cəmiyyətinin və ictimai nəzarətin rolu çox əhəmiyyətlidir. O həmçinin qeyd etdi ki, 10 iyul və 23 iyul 2019-cu ildə “Azərbaycanda vətəndaş cəmiyyətinin vəziyyəti və qarşıda duran vəzifələr” mövzusunda MQF-nin təşkilatçılığı və ekspertlərin iştirakı ilə ictimai müzakirə keçirilmiş və vətəndaş cəmiyyətinin mövcud vəziyyətinin təhlili, QHT və hökumət münasibətlərinin inkişaf etdirilməsi, vətəndaş cəmiyyəti ilə əlaqədar qanunların (o cümlədən qrant haqqında qanun) təkmilləşdirilməsi, açıq hökumətin təşviqi,  şəffaflığın və ictimai nəzarətin gücləndirilməsi kimi məsələlər müzakirə edilmiş və əhəmiyyətli qərarlar qəbul olunmuş və bununla əlaqədar olaraq Ölkə Prezidentinə müraciət edilmişdir. Daha sonra Rauf Zeyni ictimai müzakirənin məruzəçisi, MQF-nin vitse-prezidenti, Ekonomiks” Beynəlxalq İqtisadi Araşdırmalar Birliyinin sədri Fikrət Yusifova söz verdi. Fikrət Yusifov öz məruzəsini təqdim edərək ölkədə iqtisadi və müasir idarəetmə problemləri, bəzi dövlət qurumlarında bəzi vətəndaşların göstərilən xidmətdən narazı olması, maliyyə yeyintiləri, vəsaitlərin mənimsənilməsi, bəzi məmurların vəzifələrindən sui-istifadə etməsi və bütün bunlarla yanaşı ölkədə pandemiya dövründə maddi sıxıntılar, böhran və iqtisadi tənəzzül, bunlarla bərabər ictimai nəzarətin lazımi səviyyədə təmin olunmaması, Ölkə Prezidentinin müraciətində ictimai nəzarətin əhəmiyyəti və mahiyyəti, ictimai nəzarətin gücləndirilməsinin son dərəcə vacib olduğunu öz məruzəsində bildirdi. Məruzə ətrafında çıxışlar zamanı Qorxmaz İbrahimli, Məhərrəm Zülfüqarlı, Eyyub Hüseynov, Umud Rəhimoğlu, Mayis Əliyev, Asif Əsgərli, İlham İsmayılov, Əhməd Qəşəmoğlu, Mehdi Mehdiyev, Əhmədabasbəyli, Eynulla Xeyrullaev, İradə Rizazadə, Anar Xəlili, Fuad Bədəlov, Gülnarə Hüseynova, Tünzalə Cavadova və İradə Həsənova müvafiq mövzu ətrafında müzakirədə aktiv iştirak etdilər və təkliflər irəli sürdülər. Müzakirənin yekununda, əsasən, bu təkliflər verildi: İctimai nəzarətin ölkə səviyyəsində təmin edilməsi; İctimai Şuraların fəaliyyətinin koordinasiya edilməsi və effektivliyinin artırılması; MQF İctimai Nəzarətin Koordinasiya Şurasının yaradılması; Azərbaycan Respublikası İctimai Palatasının yaradılması; Təklif olunan fəaliyyətlərin həyata keçirilməsi üçün işçi qrupunun yaradılması; Azərbaycan Respublikası Prezidenti cənab İlham Əliyevə müraciətin hazırlanması. Azərbaycan Milli QHT Forumunun təşkilatçılığı ilə 23 fevral 2020-ci il tarixində “Vətəndaş cəmiyyətinin inkişafı və ictimai nəzarətin təmin olunması” mövzusunda QHT rəhbərlərinin və ekspertlərin iştirakçılığı ilə növbəti ictimai müzakirə keçirildi. Müzakirənin gündəliyində duran məsələlər Azərbaycan Respublikasının Prezidenti cənab İlham Əliyevin vətəndaş cəmiyyəti institutlarına çağırışına əsasən ölkədə vətəndaş cəmiyyətinin inkişafı, ictimai nəzarətin gücləndirilməsi və şəffaflığın artırılması məsələləridir. MQF-nin prezidenti Rauf Zeyni iştirakçıları salamlayaraq açılışı etdi. Ölkə Prezidentinin ictimai nəzarətin təmin edilməsi müraciətini diqqətə çatdıraraq QHT sektorunun bu fəaliyyətdə aktiv iştirak etməsi üçün keçən tədbirdəki müzakirələr əsasında təkliflər hazırlandığını qeyd etdi. Təklifləri səsləndirməsi üçün MQF-nin vitse-prezidenti, Azərbaycan Demokratik Tələbə Gənclər Təşkilatının sədri Asif Əsgərliyə söz verdi. Asif Əsgərli qeyd olunan təklifləri səsləndirdi və hər birinin vacibliyini vurğuladı: 1.Ölkəmizdə aparılan islahatlara, dövlətin inkişaf prioritetlərinə və cəmiyyətin yeni çağırışlarına adekvat olan “Azərbaycanda vətəndaş cəmiyyətinin inkişafına dövlət dəstəyi” adlı yeni Konsepsiya hazırlansın. 2.Azərbaycanda vətəndaş cəmiyyəti təsisatlarının rolunun artırılmasına, ölkədə 3-cü sektorun siyasi və dövlət idarəçiliyində, qərar qəbuletmə və icraçılıqda çəkisinin yüksəldilməsinə və ictimai sferanın daha fəal iştirakına nail olmaq üçün İctimai Palata yaradılsın. 3.Vətəndaş cəmiyyətinin inkişafına yönəlik qanunvericilik bazasında, o cümlədən, “QHT-lər (ictimai birliklər və fondlar) haqqında”, “Qrant haqqında” qanunlarda ciddi dəyişiklik və əlavələr edilsin. 4.Xarici donorların Azərbaycanda fəaliyyətinin genişləndirilməsinə şərait yaradılsın. 5.Milli donorlar şəbəkəsinin şaxələndirilsin və fəaliyyət arealı genişləndirilsin. 6.Özəl sektorun vətəndaş cəmiyətinə dəstəyini artırmaq, özəl sektor-QHT əməkdaşlığını genişləndirmək üçün hüquqi-iqtisadi stimullaşdıcı addımlar atılsın. 7.Ölkədə ictimai nəzarətin effektiv və praktik tətbiqi təmin edilsin və bu istiqamətdə qanunvericilikdə və prosesin icrasında dəyişikliklər həyata keçirilsin. 8.Ölkədə QHT-nın əsas koordinasiyaedici və geniş şəbəkəli platforması olan, 22 illik zəngin təcrübə və bazaya malik Azərbaycan Milli QHT Forumu daimi qərargahla və illik saxlanma vəsaiti ilə təmin olunsun. Bu təkliflərin əsasında QHT rəhbərləri – Sabit Bağırov, Eyyub Hüseynov, Qorxmaz İbrahimli, İlham İsmayılov, Azər Həsrət, Qalib Nəbiyev, Mehdi Mehdiyev, İradə Rizazadə, Aydın Əbilov, Əli Mizrəyev, Gülnarə Hüseynova, Ruslan Quliyev, Çingiz Bayramov, İbrahim İbrahimov, Fuad Bədəlov və Ramil Əliyev çıxış etdi. İctimai nəzarətin gücləndirilməsi və şəffaflığın artırılması, QHT-lərə dövlət dəstəyi, QHT-hökumət əməkdaşlığının inkişafı, ictimai nəzarətin təmin olunması üçün dövlət səviyyəsində münbit şəraitin yaradılması, dövlət qurumları yanında yaradılan İctimai Şuraların fəaliyyətinin koordinasiya olunması, ictimai nəzarətin effektivliyi, şəffaflıq və ictimai nəzarətlə əlaqədar cəmiyyətin maarifləndirilməsinin genişləndirilməsi, TV və media ilə sıx əməkdaşlıq əlaqələrinin yaradılması, qanunvericiliyin təkmilləşdirilməsi, mövcud maneələrin aradan qaldırılması və digər məsələlərlə bağlı öz təkliflərini irəli sürdülər. Rauf Zeyni sonda iştirakçılara öz minnətdarlığını bildirdi və qeyd etdi ki, MQF-nin təşəbbüsü ilə qeyd olunan mövzuda dəfələrlə ictimai müzakirə keçirilmiş və mövcud vəziyyətdən çıxış yolları axtarılmışdır. Təəssüf ki, indiyə qədər olan müzakirələr gözlənilən nəticəni verməmişdir. O əlavə etdi ki, hazırlanan və təqdim olunan təkliflər Ölkə Prezidentinə göndərilərək mövcud problemlərin aradan qaldırılmasına dəstək verilməsi üçün müraciət ediləcək. Qeyd etmək lazımdır ki, ötən il Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyevlə bir sıra QHT rəhbərlərinin silsilə görüşləri keçirilmişdir. Vətəndaş cəmiyyətini narahat edən bütün məsələlər bu görüşdə müzakirə edilmişdir. Biz inanırıq ki, Ölkə Prezidenti cənab İlham Əliyevin diqqət və qayğısı ilə yaxın gələcəkdə vətəndaş cəmiyyətinin mövcud problemləri öz həllini tapacaq.